පෞලාගේ අත්භූත අතුරුදන් වීම : නොවිසදුනු අභිරහස් - Unsolved Mysteries : The Disappearance of Paula Jean Welden

පෞලා ජීන් වෙල්ඩෙන්, එක්සත් ජනපදයේ වෙර්මොන්ට් වල බෙනින්ටන් විද්‍යාලයේ දෙවන වසරේ ඉගෙනුම ලැබූ වයස අවු 18ක් වූ ශිෂ්‍යාවකි. වර්ෂ 1946 දෙසැම්බර් මස 01 වන දින පෞලා ජීන්ගේ මිතුරිය වූ එලිසබත් පාර්කර් විද්‍යාල බලධරයන්ට පවසා සිටියේ එලිමහනේ ඇවිදින්න ගිය පෞලා නැවත සිය කාමරයට පැමිණ නොමැති බවයි. බෙනින්ටන් විද්‍යාලයට යාබදව සැතපුම් 270කට ආසන්න දුර ප්‍රමාණයක් ඇති ප්‍රසිද්ධ වෙර්මොන්ට් අඩිපාර පිහටා තිබුනේය. මෙම අඩිපාර සංචාරක ආකර්ෂණය දිනා ඇති තැනක් විය. වෙර්මොන්ට් අඩි පාර කැනඩාව සහ වෙර්මොන්ට් වෙන් කරන දේශ සීමාව ඔස්සේ වැටී තිබිණි. පෞලා ජීන් වර්මවුන්ට් අඩි පාර ඔස්සේ ඇවිද ගොස් මංමුලා වී ඇතයි සැක සිතූ විද්‍යාල බලධරයන් ඇය සොයා වෙර්මොන්ට් වල සෙවුම් කණ්ඩායාම් යෙදවූහ. ප්‍රදේශ වාසීන්ගෙන්ද සෙවුම් කණ්ඩායමට අසන්නට ලැබුනේ පෞලාව වෙර්මොන්ට් අඩිපාර අසල දක්නට ලැබුණ බවකි.

පෞලා ජීන් වෙල්ඩෙන්

කවුද කූපර්? කොහෙද කූපර්? : නොවිසදුනු අභිරහස් - Unsolved Mysteries : Who (and where) is DB Cooper?

වර්ෂ 1971 නොවෙම්බර් මස 24 දිනය, නොර්ත් වෙස්ට් ගුවන් සමාගමට අයත් අංක 305 ගුවන් යානය පෝර්ට්ලන්ඩ් ගුවන් තොටුපළෙන් පිටත් වූයේ විනාඩි 30 ක ගුවන් කාලයක් නිමා කර සියෙටැල් ගුවන් තොටට ලගා වීමටයි. අප කථාවේ කථා නායකයා වන ඩැන් කූපර්ද මෙම ගුවන් ගමනට සහභාහී වී සිටියේය, මැදි වයසේ පසු වෙන මිනිසෙකු වූ කූපර් එදින අදුරු පැහැ ඇදුමකින් සැරසී කලුපැහැති ටයි පටියක් පැලද සිටියේය. පහසුවෙන් ඔහුට අයත් අසුනට බර වූ කූපර් සිගෙරෙට්ටුවක් දල්වා ගත්තේය. ඉතා මිත්‍රශීලීව ගුවන් සේවිකාව ඇමතූ ඔහු බර්බන් එකක් හා සෝඩා බෝතලයක් ඇණවුම් කර ගෙන්වගත්තේ එවෙලේම මුදල් ගෙවාය. අවුරුදු 23ක් වූ පමන වයස වූ රූමත් ගුවන් සේවිකාවක් ඇමතූ කූපර් ඇය අත මත යමක් කුරුටු ගෑ කඩදාසියක් තැබුවේය. එහි ඇත්තේ ඔහුගේ දුරකතන අංකයයි සැක සිතූ ගුවන් සේවිකාව එය ප්‍රතික්ෂේප කලාය.

FBI සතු කූපර්ගේ සිතුවමක්

ඇගේ මුහුණ දෙස එක එල්ලේ බැලූ කූපර් "මෙනෙවිය, ඔබ ඔය ලියමන බැලුවානම් වඩා හොදයි" යනුවෙන් පවසා මදකින් "මා සතුව බෝම්බයක් තිබෙනවා" යි ද පැවසුවේය.

ජූලියා වොලස් ඝාතණය : නොවිසදුනු අභිරහස - Unsolved Mysteries : The Murder Of Julia Wallace

ජූලියා වොලස් බ්‍රිතාන්‍යයේ ලිවර්පූල්හි ජීවත් වූ අවු: 29ක් වූ විවාහක ගෘහණියකි. දිනය 1931 ජනවාරි 19, ජූලියාගේ සැමියා වූ විලියම් තම ප්‍රදේශයේ පැවති චෙස් තරගයකට සහභාගී වීමට නිවෙසින් පිටත් විය. නැවත නිවෙසට පැමිණි ව්ලියම්ට සිය බිරියගෙන් අසන්නට ලැබුනේ ඔහුගේ මිතුරෙකු දුරකතන ඇමතුමකින් ඔහු වෙනුවෙන් තැබූ පණිවිඩයකි. නමුත් මේ පණිවිඩය තැබූ තැනැත්තාගේ නම වූ කෝල්ටෲ ඔහුට හුරු නමක් නොවීය. කෙසේ වුවත් ඊළග දිනයේ විලියම් තමාට ලැබුණු පණිවිඩයේ සදහන් ලිපිනය වූ "අංක 25, නැගෙනහිර මෙන්ලොව් උද්‍යානය" වෙත ගියේය. හොරාවක් පමණ වෙහෙසුනු ඔහුට අවසානයේ දැනගැනීමට ලැබුණේ උක්ත ලිපිනය ව්‍යාජ එකක් බවයි.

මෙම නොමග යැවීම නිසා කනස්සල්ලට හා කෝපයට පත් විලියම් නැවත් සිය නිවෙස කරා පිය මැන්නේය. නිවෙසට ඇතුලු වූ ඔහු දුටු දසුනෙන් වික්ශිප්ත වී ගියේය. ඔහුගේ ආදරණිය ජූලියා ලේ විලක් මැද මියගොස් සිටියාය.

ලේ විලක් මැද මියැදුන ජූලියා

ෆ්ලැනන් ප්‍රදීපාගාරය : නොවිසදුනු අභිරහස - Unsolved Mysteries : Flannan Isles Lighthouse

ස්කොට්ලන්තයට වයඹ දෙසින් වූ 'අවුටර් හිබ්‍රිඩ්ස්' හි පිහිටා ඇති දූපත් සමූහක් වන ෆ්ලැනන් දූපත් වලට කිට්ටුම ගොඩබිම අයිස්ලන්තය වේ.ෆ්ලැනන් දූපත් සමූහයෙන් විශාලතම දූපත වනුයේ 'අයිලින් මෝර්' ය.ෆ්ලැනන් දූපත් සමූහය මිනිස් වාසයෙන් තොර පාළු මූසල අඩවියක් ලෙස සැලකෙයි.

1890 ගණන් වල බ්‍රිතාන්‍ය නාවික වෙළදාම විශාල ලෙස ව්‍යාප්ත වූ අතර ස්කැනේඩියානු වරායට යොමු වූ විශාල ප්‍රමාණයේ නෞකා වලට ෆ්ලැනන් දූපත් ඉසව්වෙන් යාත්‍රා කිරීමට සිදු විය.ෆ්ලැනන් දූපත් පිහිටා ඇති ස්කොට්ලන්ත වයඹදිග මුහුදේ නිතරම පාහේ තිබුණු ප්‍රචණ්ඩ ස්වභාවයත් හා විෂම කාලගුණයත් නිසාවෙන් මෙම නෞකා ෆ්ලැනන්හි ගල් පර වල දරුණු ලෙස ගැටී වැනසුණු අවස්ථා බහුල විය.මේ නිසා රාත්‍රි කාලයේදී නෞකා වලට මඟ පෙන්වීම සදහා අඩි 275ක් උසැති ප්‍රදීපාගාරයක් අයිලින් මෝර් දූපතෙහි ස්ථාපිත කිරීමට 1895 වසරේදී කටයුතු ආරම්භ කරන ලදි.වසර දෙකකින් ප්‍රදීපාගාරයේ ඉදිකිරීම් කටයුතු අවසන් කිරීමට බලා පොරොත්තු වුවත් දරුණු කුණාටු සහ අයහපත් කාලගුණයෙන් සිදු වූ බාධා නිසා වැඩ කටයුතු නිම කිරීම සඳහා වසර 4ක් ගත විය.නමුත් අවසානයේදී 1899 දෙසැම්බරයේදී ප්‍රදීපාගාරයේ වැඩ කටයුතු නිමාවට පත් විය.

අයිලින් මෝර්හි ප්‍රදීපාගාරය

ෆ්ලැනන් දූපත් ඉසව්වෙන් රාත්‍රී කාලයේ යාත්‍රා කල නෞකාවලට ආරක්ෂාව සපයමින් අයිලින් මෝර්හි ඉටිපන්දම් 140000 බලයකින් යුත් ප්‍රදීපය දීප්තිමත්ව බැබලුනේ එක් වසරක් පම්ණි.කිසිවෙකුට විසදිය නොහැකි මහා අභිරහසක් ඉතිරි කර 1900 දෙසැම්බර් මාසයේ දිනක එය නිවී ගියේය.

ප්‍රදීපාගාරය පවත්වාගෙන යාම සඳහා විශ්‍රාමික නාවිකයන් සිව් දෙනෙකු වාහාම සේවයේ යොදවනු ලැබුවේය.තෝමස් මාර්ශල්,ජේම්ස් ඩූකට්,ඩොනල් මැක් ආතර් සහ ජෝශප් මුවර් යනු නාවිකයන් සිව් දෙනාය.මොවුන් සේවයේ යෙදුනේ වරකට තිදෙනා බැගින් වූ සේවා මුර මාරු ක්‍රමයකටය.සෑම විටම තිදෙනෙකු සේවය කළ යුතු අතර එක අයෙකුට නිවාඩු ගැනීමේ අවස්ථාව මෙමගින් උදා විය.1900 දෙසැම්බර් 6 වෙනි දින තම සති දෙකක නිවාඩුව ජෝශප් මුවර් හට ලැබුණි.නමුත් නත්තලට ප්‍රථම තාමගේ නිවාඩුව ඉවර වීම පිළිබද කණස්සල්ලක් ඔහු තුළ වුවත් තමා පුදුමාකාර වාසනාවන්තයෙකු බව ඔහුට වැටහුනේ පසුවය.

1900 දෙසැම්බර්යේ 21 වන දින මුවර්ගේ නිවාඩුව අවසන් විය.නැවත අයිලින් මෝර් කරා යා යුත්තේ හෙස්පිරස් නැමති කුඩා නෞකාවෙනි.ප්‍රදීපාගාරයට අවෂ්‍ය සැපයුම් හා සේවකයන්ගේ ලියුම් ප්‍රවාහනය මෙම කුඩා නෞකාව මගින් සිදු කලේය.තම සඟයන්ගේ නත්තල් තෑගි සහ තැපෑලද භාර ගත් ජෝශප් මුවර් ප්‍රදීපාගරයට යාමට සූදානමින් පසු වූවත් ෆ්ලැනන් දූපත් ඉසව්වේ තිබූ අයහපත් කාලගුණය නිසා නාවික කටයුතු සදහා නුසුදුසු වතාවරනයක් ඇති කර තිබුණි.දෙසැම්බර් 26 වැනි දින රුදුරු වී තුබූ සයුර මදක් සන්සුන් වීම නිසා හෙස්පිරස් යත්‍රාවට දූපත කරා ගමන් කිරීමට අවසර ලැබුණි.නෞකාව දුපත කරා ළං වත්ම සයුරේ ප්‍රචණ්ඩ ස්වභාවය නැවත වර්ධනය විය.මහත් පරිශ්‍රමයක් යොදා හෙසිපිරස් නෞකාව කෙසේ හෝ දූපතේ නැගෙනහිර අතට යොමු කර ගැනීමට කපිතාන් වරයා සමත් විය.ෆ්ලැනන් ප්‍රදීපාගරයේ ප්‍රදීපය තව දුරටත් දැල්වෙමින් නොතිබුණි.හෙස්පිරස් නෞකාවෙන් නිකුත් කළ කිසිදු සංඥාවකට ප්‍රදීපාගාරයෙ මුදුන් තට්ටුවේ ජනේලයෙන් ප්‍රතිචාර නොලැබිණි.යම් කිසි වරදක් සිදු වී ඇති බව ජෝශප් මුවර්ට වැටහිනි.